Inductive Bible Study Method part 4/5 (Ka Jingpyndonkam ha ka jingim jong ngi)

3. Ka Jingpyndonkam ha ka jingim jong ngi (Apply)

Kane ka long kaba donkam eh ha ka jingkhreh Baibl. Namar la lehnohei baroh lada ngim pyndonkam lane pyntreikam ïa ki jinghikai haba ngi dep ban la khreh.

Ha kane ka synjam ngi kylli: Ka mut aiu pat na ka bynta jong nga/ngi mynta?

Ngi lah ban sngewthuh ïa kane da kaba pyndonkam ïa kawei ka nuksa: Hadien ba ngi la dep khreh ban leit sha dukan lane sha office ngi leh aiu? Ka jubab ka long ba hadien ba ngi la dep ban khreh ban leit sha ka dukan lane sha ka office. Kumjuh kane ka kyndon ba ngi shim mynta ka ong ïa ngi: Ngin leh kumno hadien ba ngi la dep khreh. Ngin leh kumno hadien ba ngi la dep ioh ïa ka jingmut bad ka jinghikai na kane ka bynta jong ka Ktien U Blei.

Ngi kylli ïa kum kine ki jingkylli harum:

Ïa kaei nga/ngi hap ban kylla kaba mut? Kaei kaba ngi/nga hap ban pynkylla ha ka jingim jong nga?

Ïa ka jingpyrkhat/ jingkren/ jingtrei thymmai aiu ba ngan/ngin kren ne pyrkhat ne leh? Haba ong thymmai hangne kam mut kaei kaei kaba pyrshah ïa kiba ngi la dep kdew haneng.

Nuksa: Lada ka jinglong barim dei ka jingdom riang te ka jinglong ba thymmai dei ka jingieit ne jingjemnud, ne jingdon bor halor lade haba ngi khreh ïa ka Galatia 5:22-23 lehse.

1. Thoh ïa kine ki jingkylli bad ïa ki jubab ha ka kopy jong phi.
2. Leh kumta ha ka jingim jong phi.

1. Lamphrang
2. Peit thuh
3. Ïoh ïa ka jingmut
4. Ka Jingpyndonkam Ha Ka Jingim Jong Ngi
5. Kane ka dei ka nuksa na Jonah 1:1-3.