'Ngan ïai leh ïa kaei kaba nga leh mynta, khnang ban khanglad ïa kito kiwei ki “apostol” ba kin ïoh daw ban kob sarong bad ban ong ba ki trei ha kajuh ka rukom kumba ngi trei. Kito ki briew kim long ki apostol kiba shisha — ki long ki apostol lamler, kiba shukor shaphang ka jingtrei jong ki bad thawdur ïa lade ban i kum ki apostol bashisha jong U Khrist. Ngin lyngngoh lei ïa kata? Wat u Soitan hi u lah ban thawdur ïa lade ban paw kum u angel ka jingshai! Kumta kam long kaei kaei kaba khraw lada ki shakri jong u ki thawdur ïa lade ban i kum ki shakri jong ka hok. Ha kaba khatduh kin ïoh thik kumta ïa kaei kaba ki jingleh jong ki, ki dei hok.' 2 Korinth 2:12-15 (BSI - Khasi – CL)
 |
| Photo by NeONBRAND on Unsplash |
Ngim dei ban lyngngoh ne kyndit ba don ki briew kiba khot ïalade ki 'Apostol', pynban kim dei ki apostol ba shisha. Ki dei ki ba lamler. Ha ka por jong ki synran jong U Jisu ki don. Ha ka por jong ngi ruh kin don kum kine.
Kat kum kane ka bynta na 2 Korinth ki 'Apostol' lamler (1) ki shukor lane thok shaphang ka jingtrei jong ki bad (2) ki thawdur ïa lade ban long kum ki apostol ba shisha.
(1) Ka jingshukor: Ha kane ka bynta ki pyrshang ban pyni ïa ki kam kiba kim leh. Ki shu kam ba la trei kumne ne kumta. Ki leh kumne tang ban ioh nam, burom, bad khamtam eh ka spah na kiba kyrshan bad ngeit ïa ki.
(2) Ka jingthawdur: Ki thawdur ïa lade kum ki apostol ban ïoh burom ne jingkyrshan wat na kito ki bym ithuh ïa ki. Ban i kumba ki ruh ki long kat kum ka aiñ briew bad aiñ Blei.
Ngam kam ba nga dei u apostol, hynrei nga hap bishar ïa lade ba ïoh nga shukor ïa kiwei bad ïa lade.
To ngin kylla kaba mut lada ngi shem ïalade hapdeng kine kiei kiei baroh.
Ngi hap ban kylli ba ïoh don ne ki myrsiang-ba-phong-jain-langbrot hapdeng jong ngi. U Blei u khot ïa ngi ban bishar hok, ban pynbeit ïa ki - lada long, bad ban kyntait ruh ïa ki lada kim pynbeit ïa lade bad ïa ki jinghikai jong ki ruh.
Comments