U ï bad u ñ (Ï bad Ñ ruh) haba type ha komputer.

Ha ka keyboard ba don number pad.

Ban shon ïa u "ï" bad u "ñ" ha komputer lane laptop ngi leh kumne harum:
  1. Pynim/pynmeh ïa u NUMLOCK shuwa na ka bynta kine baroh. (Ki dak jingkhein ba don ha lor jong ki dak jingthoh kin ym trei kam)
  2. Ñion ïa u ALT ha ka keyboard lem bad ki dak jingkhien 0239 (ALT key with 0239) na ka bynta u "ï".
  3. Ñion ïa u ALT ha ka keyboard lem bad ki dak jingkhien 0241 (ALT key with 0241) na ka bynta u "ñ". 
Na ka bynta ki dak khraw:
  1. Kynmaw ban pynim ïa u NUMLOCK shuwa. (Ki dak jingkhein ba don ha lor jong ki dak jingthoh kin ym trei kam)
  2. Ñion ïa u ALT ha ka keyboard lem bad ki dak jingkhien 0207 (ALT key with 0207) na ka bynta u "Ï".
  3. Ñion ïa u ALT ha ka keyboard lem bad ki dak jingkhien 0209 (ALT key with 0209) na ka bynta u "Ñ".
Ha ka ktien Khasi ngi pyndonkam ïa u "ï" bad "ñ". Ka jingpyndonkam ba kham bun dei ha ïa u "ï".

Bym don number pad pat?

Lada ka laptop jong phi ka don ka keyboard bym don ka number pad phi lah ban leh kumne harum.
  1. Ha ka Microsoft Word ba phi dang type phi jied Insert > Symbol > More Symbols.
  2. Kan sa mih ka dialog box kum ba pyni harum:

  1. Ha ka Font menu dei ban jied ïa u Font ba phi pyndonkam ban type (lah ban long ba u Font u la paw lypa).
  2. Phi hap ban peit shapoh (scroll down) hangno ba don u "ï", lane u "Ï", lane u "ñ", lane u "Ñ".
  3. Phi hap ban jied Insert na trai jong kane ka dialog box ban pyndonkam ïa u dak ba phi donkam ha ka jaka ba phi dang type.

Lane

  1. Lada phi type ha kiwei ki software bym ïoh ban Insert Symbol kumba haneng, phi lah ban leh da kumne. Ñion shuwa ïa u Start button.
  2. Type: Character Map bad plie ïa ka Character Map. (Lane da u mouse pointer jied ïa Start button > All Programs > Accessories > System Tools > Character Map)
  3. Ha ka Character Map phin ïohi ïa baroh ki dak kiba phi lah ban type ha ka komputer. Phi hap ban peit shapoh (scroll down) hangno ba don u "ï", lane u "Ï", lane u "ñ", lane u "Ñ".
  4. Nangne phi lah ban Select bad Copy ïa ki dak kiba phi donkam. Ki dak ki dei ban paw ha ka Charecters to copy box ba don harum.
  5. Nangta phi lah ban Paste (CTRL + V) ha ka jaka ba phi dang type.

Dei ban paw u dak ha ka Characters to copy box

Kumno ban pynim ïa u NUMLOCK ha ka keyboard bym don number pad hynrei don ka option jong ka NUMLOCK?

Ki don ki laptop kiba don NUMLOCK (num lk) hynrei kim don Number Pad kum ka nuksa ha ka dur harum:
  1. Phi hap ban ñion ïa u Fn (Function) ha ka keyboard lem bad u Num Lk (NUMLOCK) ban pynmeh ïa ka numbers function jong ka keyboard jong phi.
  2. Ki don kiwei pat ki keyboard ki bym don Num Lk hynrei ki don ki number ha lor ki dak J, K, L bad kumta ter ter. Ka jingmut jong kane kadei ba katba phi dand ñion ïa u Fn phi lah ban shon ïa ki dak jingkhien ban type ïa ki.
Khublei shibun.

Comments

Post a Comment