 |
| U Dabid Hap Ha Ka Pop Klim Photo by Francesca Tosolini on Unsplash |
1. U Dabid Bad Ka Pop (Pule 2 Samuel 11, 12 bad Salm 51)
1.1. U Syiem Ba Don Burom U Hap Ha Ka Pop Klim
U Dabid u dei u syiem jong ka jaidbynriew Israel, uba da shah jied da U Blei hi. Hynrei ha ka por ba tlot, u ruh u long tang u briew, u la hap ha ka klim bad ka Bathsheba (ka tnga u Uriah). Um tang kumta u la don kti ruh ha ka jingiap jong u Uriah ban pynkshan ialade. Pule 2 Samuel 11.
1.2. U Rangbah Ba Don Burom U Leh Klet Ia La Ka Pop
Hadien ba u la klim bad ka Bathsheba u Dabid u la leh kumba u khlem leh pop ei ei ruh em, hynrei pynban, u don kti wat sa ha ka jingiap jong u Uriah (u tnga ka Bathsheba). Haduh ba u Nathan, u prophet U Trai, u wan iakynduh ia u ba ngin sa iohi ia u Dabid ba kylla kaba mut. Pule 2 Samuel 11 bad 12.
1.3. U Rangbah Ba Don Burom U Shah Pynrem Ha U Trai
U Trai, haba u Dabid u la leh klet ia la ka pop, u la phah ia u Nathan ban sneng pynrem ia u. Pule 2 Samuel 12.
1.4. U Syiem U Kylla Kaba Mut
U Dabid haba u la shah sneng pynrem ha U Trai lyngba u Nathan u shim ia ka jinglong rangbah jong u bad u kylla kaba mut. Pule 2 Samuel 12 bad Salm 51.
2. U Blei Bad Dabid (Pule 2 Samuel 12 bad Salm 51)
U Blei u tip ia ka dohnud jong u Dabid (1 Samuel 13:14) ba um long shisha u briew u ba lah ban im sah ha la ka pop, u Dabid hi u phla hadien ha ka Salm 51:3b "bad ka pop jong nga," u ong, "ka don ha khmat jong nga ha la ka sngi". U Blei u tip ia ka dohnud jong u Dabid bad u phah ia u Nathan ban sneng pynrem ia u bad shisha u Dabid u la kylla kaba mut. U Dabid haba u kylla kaba mut u thoh ia ka Salm ba 51, kaba dei ka jingduwai kylla kaba mut jong u.
3. U Blei Bad Ma Ngi
Lehse ngim shym la leh ia ka pop u Dabid, lehse ngi la leh ruh, hynrei tang U Blei u tip. Hynrei baroh hi ngi la leh pop. Lehse ha man la ka sngi jong ngi ka pop jong ngi ka don ha khmat jong ngi. La ki pop ba rit ne ba khraw ngi tip hi ia la ka jong ka jingim.
Ha kane ka por ym don Nathan ban wan ban sneng pynrem ia ngi kum ia u Dabid, Hynrei U Blei u tip ia ka dohnud jong ngi, U tip ba ngim lah shah ban im ha ka pop. Te namar kata U Blei u la thaw lad lyngba U Jisu ba mano mano ruh ba kylla kaba mut ruh bad pdiang ia U ha ka jingim jong ki kin ioh map ei ia ka pop jong ki bad ruh kin ioh ka jingim bymjukut. Pule Ki Kam 2:38, 3:19, 8:22, 2 Korinth 7:10, Ephesos 1:7 bad Ioannis 3:16-21.
To ngin long kiba la kylla kaba mut bad ruh kiba la pdiang ia U Jisu ha ka jingim jong ngi.
To U Blei Un Kyrkhu
Comments