Pyrthuh ia U Jisu

Bud ïa U Jisu
Photo by Aaron Burden on Unsplash

U Charles Caleb Colton u ong^*, "Imitation is the sincerest of flattery." Bun na pdeng jong ngi ngi ia tip ia kane ka jingong kumne: "Imitation is the sincerest form of flattery." Ka jingmut jong kane ka jingong ka long ba don ki por ba ngi pyrthuh ia kiwei hynrei ngi khlem tip ei ei ba ngi leh kumta, bad kane ka long kum ka jingiaroh kaba shisha lane khuid lane khlem jingarsap ia kita kiba ngi la kum pyrthuh.

Phi ju lap mo ialade ba phi kum pyrkhuh iano re iano haba phi iakren bad ki? Phi kum rakhe lem kum ma ki! Phi kum kren kum ba kren ba ki! Phi kum leh ei ei kaba ki leh! Phi khlem poi pyrkhat ba phi la leh kumta! Don ka por ba nga ruh nga kum leh kumta bad nga rakhe ia lade haba nga kynmaw hadien ba nga la kum leh kumta!

Ka jingmut ba nga kwah ban wanrah ha kane ka por ka long ba haba ngi iaid ha kane ka jingim jong ngi, bad haba ngi ong lane (claim) ba ngi dei ki nongbud jong U Jisu bad haba ngi pynpaw ruh kumta sha kiwei to ngin ia pyrthuh ia U Jisu ha man la ka sngi jong ngi. Lada ngi burom ia U, lada ngi long shisha ki nongbud jong u, lada ngi kwah ban iaroh ia U da ka jinglong bad jingim jong ngi bad naduh dohnud, lada ngi tip bad dei tang namar jong U ngi im, lada ngi ieid shisha ia U bad kwah ban pyndon burom ia U.

Te, ha man la ki jingrai, ha man la ki jingiakren, ha man la ki jingeh, ha man la ki jingiakynduh, ha man la ki jingiadei, ha iing, ha skul, ha college, ha jingtrei, ha iingmane bad ha ei ha ei ruh lane ka kano kano ka por ruh to ngin ia pyrthuh ia U Jisu.

Pule Eph. 5:1-2, 15; 1 Thes. 1:6; Mat. 5:48; Gal. 2:20 bad kiwei kiwei de.


^*http://www.phrases.org.uk/meanings/imitation-is-the-sincerest-form-of-flattery.html